TN ĩno njerũ, Maitũ nĩ Ma Itũ Kerĩ, nĩ ya marebeta 13. Irebeta rĩa mbere (Ngiuma Mũciĩ Ndiamenyaga) rĩganĩte rũgano rwa Maitũ nĩ Ma Itũ Kerĩ na njĩra nguhĩ. Na rĩo irebeta rĩa mũico (Kwarĩ Irimũ rĩa Tũhiũhio) rĩheanĩte cia mataaro ma Maitũ kũrĩ mũingĩ na njĩra nguhĩ na rĩgatiriha rũgano rwa Maitũ nĩ Ma Itũ Kerĩ. Marebeta macio mangĩ mothe maganĩte ng’ano mwanya ciĩrũgamĩtie, no cioetwo ciothe hamwe, nĩ icunjĩ cia rũgano rwa mbere.

Marebeta maya nĩ ma gĩthomo na ndũrũhĩ. Nĩ ma gwĩkĩrana ngoro, kũhanda meciria, gũcanjamũra, na gũthomithania.

Thani Nyũmĩrĩru (TN) nĩ rĩo rĩtwa rĩa Gĩgĩkũyũ tuonete rĩagĩrĩru rĩa CD (Compact Disc). “Floppy Disc” na yo no ĩĩtwo Thani Manyegenya (TM).